მენტორინგის პროგრამები აქტიურადაა დანერგილი სხვადასხვა მიმართულებით, კერძოდ ის გვხვდება როგორც კერძო კომპანიებში, პოლიტიკურ ინსტიტუტებში, უნივრსიტეტებში, ასევე, სოციალურ მიმართულებეში თუ სკოლებში. თითოეულ ამ ინსტიტუციაში მენტორინგის ხასიათი დამოკიდებულია შიდა სტრუქტურულ მოწყობასა და საჭიროებებზე, ან იმ ადამიანებზე, ვინც ამ პროცესშია ჩართული. მენტორინგი ახალი ცოდნისა და გამოცდილების შეძენის შესაძლებლობაა. მენტორინგის პროცესში სწორ კომუნიკაციას მივყავართ ახალ აღმოჩენებამდე, მისი გამოყენება შეიძლება როგორც პროფესიული, ისე პიროვნული განვითარებისთვის. პროცესი როგორც ალიანსი ქმნის დიალოგის, გაზიარების სივრცეს, რაც აისახება შედეგში, აქტივობასა და სწავლაში, ეს არის სტრატეგიული დაგეგმარება, ფასილიტირება პიროვნული და პროფესიონალური განვითარებისთვის. .

მენტორინგი, ეს არის სწავლება, დაფუძნებული ურთიერთობაზე, რომელიც ადამიანებს აძლევს შესაძლებლობას, პასუხისმგებლობა აიღონ საკუთარ განვითარებაზე, საკუთარი პოტენციალის გამოვლენაზე და იმ შედეგების მიღწევაზე, რომლებიც მათთვის ღირებულია.